ئاسایشی نیشتمانی راگەیەندراوێکی لەبارەی رووداوەکەی ئەمڕۆی گەڕەکی سێکانیانەوە بڵاوکردەوە

ئاسایشی نیشتمانی عیراق راگەیەندراوێکی لەبارەی رووداوەکەی ئەمڕۆی گەڕەکی سێکانیانەوە بڵاوکردەوە.

ئاسایشی نیشتمانی عیراق: بە هاوئاهەنگی لەگەڵ بەڕێوەبەرایەتی گشتی ئۆپراسیۆنەکانی ئاسایش لە هەرێمی کوردستان و لەسەر بنەمای دانپێدانانی یەکێک لەو تیرۆریستانەی پێشتر دەستگیرکرابوون ئۆپراسیۆنەکەمان ئەنجامدا.

ئاسایشی نیشتمانی عیراق ئەوەشی خستۆتڕوو كە لە رووبەڕووبوونەوەکەدا چەکدارێکی داعش کوژرا کە شتومەکی بۆ تیرۆرستان دەگواستەوە و دوای گەمارۆدانی ئەو خانووەی شانە نووستووەکەی تێدابوو تیرۆریستە گوێزەرەوەکە خۆی کوشت و دوو ئەفسەری هێزە ئەمنییەکانیش برینداربوون.