خانه‌نشینانی پێشمه‌رگه مووچەی مانگی 8 هاوشێوەی مانگی پێشتر وه‌رده‌گرن و بڕیاره لە مانگی 9 مووچەکانیان بەهاوتاکراوی وه‌ربگرن.
هادی ئەکرەم، بەڕێوەبەری جێبەجێکار لە بەڕێوەبەرایەتی خانەنشینی پێشمەرگەی سلێمانی له لێدوانێكیدا ئاماژه‌ی بۆئه‌وه‌كردووه:" کێشەی بەردەم هاوتاکردنی مووچەی خانەنشینانی پێشمەرگە بوونی نزیکەی سێ هەزار پلەداری پێشمەرگەیە كه تا ئێستا نەتوانراوە مووچەکانیان هاوتابکرێت."
باسی له‌وه‌شكردووه: "ئەوانەی لە بزووتنەوەی رزگاریخوازی گەلی کورد بەشداربوون و پلەدارن، مووچەکانیان کەمدەکات لەبەرئەوە لە هەوڵی چارەسەرکردنی گرفتی ئەواندان و بۆ مانگی ئاب بەهەمان لیستی مووچەی مانگی تەمموز خانەنشینانی پێشمەرگە مووچە وەردەگرن و هه‌وڵده‌ده‌درێت بۆ مانگی ئەیلول مووچەکانیان هاوتادەکرێت".
ئه‌وه‌شیخستووه‌ته‌ڕو كه:" زۆرینەی خانەنشینانی پێشمەرگە بە هاوتاکردنی مووچەکانیان لەگەڵ خانەنشینانی سەربازیی عێراق مووچەکانیان زیاددەکات و هەموو مووچە کەمەکان دەکرێتە 600 هەزار دینار."
ئه‌مه له‌كاتێكدا خانەنشینانی شارستانیی هەرێمی کوردستان، دوای 10 ساڵ لە دەرکردنی یاسای خانەنشینی یەکگرتوو، بۆ مانگی تەمموز مووچەیان بەهاوتاکراوی لەگەڵ عێراق وەرگرت".
Copyright © 2020 Kirkuk Tv All Rights Reserved Designed And Developed By AVESTA GROUP