ئاسۆ مامەند سەرپەرشتیاری کەرکوک – سەڵاحەدینی یهكێتی نیشتمانی كوردستان، بەیاوەری وەفدێکی باڵای یەکێتی، به مهبهستی پیرۆزبایی سهردانی پارێزگای کەرکوکی کرد و لەلایەن رێبوار تەها، پارێزگارو محەمەد ئیبراهیم حافز سەرۆکی ئەنجومەنی پارێزگا و ئەندامانی ئەنجومهنەکەوە پێشوازیی لێکرا.
له لێدوانێكی رۆژنامهوانیدا سەرپەرشتیاری کەرکوک – سەڵاحەدینی یهكێتی نیشتمانی كوردستان، پشتیوانیكردنیكردنی له پارێزگارو ئیدارهی خۆجێی كهركوك دووپاتكردهوهو رایگهیاند:" دووپاتیدهكهینهوه كه پارێزگار، پارێزگاری ههموو پێكهاتهكانهو داواش له ههموو ئهو خوشك و برایانه دهكهین كه تائێستا بهشدارییان له ئیداره و ئهنجومهنی پارێزگا نهكردووه، یان تێبینییهكیان ههیه، بهشداریی له ئهنجومهنی پارێزگا بكهن"
ئاسۆ مامهند وتی :"كهركوك بهلای ئێمهوه گرنگهو تهئكیدیش دهكهینهوه كهركوك، پێویستیی به هاوكاری و ههماههنگیی ههموو لایهنهكانهو سهركهوتنی ئیدارهو پارێزگار، سهركهوتنی ههموو كهركوكییهكانه، دڵنیاشم پارێزگار ههموو توانایهكی خۆی دهخاتهگهڕ بۆ خزمهتكردنی ههموو كهركوكییهكان"
سەرپەرشتیاری کەرکوک – سەڵاحەدینی یهكێتی جهختشیكردهوه :" كهركوك پێویستیی بهوهیه كه لایهنهكان دووركهونهوه له موزایهدهی سیاسی و كێشهكان"
ئهوهشیخستهڕو كه " كه سهرۆكی یهكێتی نیشتمانی كوردستان، پێش پێكهێنانی ئیدارهی خۆجێی و دوای پێكهێنانشی، جهختیكردووهتهوه كه پارێزگار، پارێزگاری ههموو پێكهاتهكانه"
دهقی لێدوانهكهی ئاسۆ مامەند سەرپەرشتیاری کەرکوک – سەڵاحەدینی یهكێتی نیشتمانی كوردستان
Copyright © 2020 Kirkuk Tv All Rights Reserved Designed And Developed By AVESTA GROUP