عیماد ئهحمهد رایگەیاند: ئەرکی قورسی ئەم خولەی پەرلەمان، گۆرانکارییە لە سیستەمی حوکمڕانیی هەرێم و بەگژداچوونی گەندەڵییە کە بووە بە ھەڕەشەی جدی لەسەر ئەزموونی ھەرێمی کوردستان.
عیماد ئهحمهد لێپرسراوی مهكتهبی راگهیاندن و هۆشیاری (ی.ن.ک) له وتارێكدا بەناونیشانی (پێکەوە بۆ یەکێتی، ھەڵبژاردن تا سەرکەوتن) ئاماژه بۆ ئهوهدهكات: ئەرکی سەرەکی پەرلەمان بریتی دەبێت چاککردنی ریشەیی پەیوەندییەکانی هەرێم و بەغدا لەسەر بناغەی دەستور و بەرژەوەندیی هاوبەش. لەپاڵ ئەمانەشدا ڕێگرییکردن لە دەستێوەردانی دەوروبەر لە کاروبارەکانی هەرێمدا.
لێپرسراوی مهكتهبی راگهیاندن و هۆشیاری لهنوسینهكهیدا دهڵێت: لە هەموو ئەمانەش گرنگتر زامنکردن و شەفافکردنی داهات لە ھەرێمی کوردستاندا، بە ئامانجی مسۆگەرکردنی موچەی کارمەندان و فەرمانبەران و خانەنشینانی هەرێم و دەسپێکردنەوەی و ھەڵمەتەکانی بووژاندنەوە و ئاوەدانی و بیناسازیی ژێرخانی کوردستان.
عیماد ئهحمهد لهبارهی ئەرکی (ی.ن.ک)ەوە دهڵێت: " یەکێتییەکان لە هەموو ئاست و ناوچەکاندا قۆڵی ھیمەت و مەردایەتی لێ هەڵکەن بە ئامانجی سەرخستنی یەکێتی کە سەرکەوتنی کوردستانە لەم هەڵبژاردنە چارەنوسسازەدا، لەپێناو بەدیھێنانی گۆرانکاریی بنەڕەتی لە جۆری حوکمرانی و سیستەمی بەڕێوەبردنی هەرێمی کوردستاندا.
Copyright © 2020 Kirkuk Tv All Rights Reserved Designed And Developed By AVESTA GROUP