کۆریای باکوور نزیکەی 160 باڵۆن کە خۆڵ و خاشاکیان
تێدا بووە بەرەو کۆریای باشوور هەڵیداوە.
سەرۆک ئەرکانی هاوبەشی هێزەکانی کۆریای باشوور ڕایگەیاند:
نزیکەی 30 باڵۆنیان دۆزیوەتەوە کە لە بەشەکانی باکووری پارێزگای گیۆنگی و سیئۆلی
پایتەخت نیشتوونەتەوە، ئەوەش دوای ئەوەی هەڵدانی باڵۆنەکان لە پاشنیوەڕۆی چوارشەممە
تاوەکو شەو بەردەوام بووە.
بەپێی رۆژنامەکانی کۆریای باشوور ئەو باڵۆنانەی هەڵدراون
زۆربەیان پارچە کاغەز و شووشەی پلاستیکییان تێدابووە و هیچ کەرەستەیەکی مەترسیداریان
تێدا نەدۆزراوەتەوە.
پێشتر حکومەتی کۆریای باکوور لە مانگی ئایارەوە هەزاران
باڵۆنی پڕ لە خۆڵ و خاشاکی بەرەو کۆریای باشوور هەڵدابوو وەک ناڕەزایەتییەک بەرامبەر
بەو پڕوپاگەندەی دژ بە وڵاتەکەی کە لەلایەن چالاکوانانی کۆریای باشوورەوە دژیان
دەکرا.
Copyright © 2020 Kirkuk Tv All Rights Reserved Designed And Developed By AVESTA GROUP