رفعەت عەبدوڵا: كۆتایی بەقۆرخكاری و جیاكاری دەهێنین

پێش نیوەڕۆی ئەمڕۆ 01/10/2024  رفعەت عەبدوڵا ئەندامی مەكتەبی سیاسی و سەرپەرشتیاری بانگەشەی هەڵبژاردنی سلێمانی بەئامادەبوونی حاكم سابیر و دكتۆرە شەونم زرار ئەندامانی سەركردایەتی لەگەڵ لێپرسراوی بەشی هەڵبژاردنی بازنەكانی سنووری سلێمانی و شارەزوور كۆبۆوە، لە كۆبونەوەكەدا دكتۆرە شەونم زرار بەكورتی باسی لەكاروچالاكییەكانی ئەم ماوەی بانگەشەی هەڵبژاردن كرد، دواتر رفعەت عەبدوڵا لەوتەیەكدا تەئكیدی لەسەر پلان و بەرنامەی یەكێتی كرد كە لەوپەڕی ئامادەباشیدایە بۆ هەڵبژاردن و ئێستا یەكێتی لەسەر رێبازەكەی سەرۆك مام جەلال بەیەك تیم و بەیەك ئاڕاستە كاردەكات، تەئكیدیشیكردەوە لەگرنگی بەشداریكردنی زۆرترین خەڵك لەم هەڵبژاردنەدا، بۆ ئەوەی سەركەوتنی گەورە بەدەست بهێنین و كۆتایی بەم دەسەڵاتە قۆرخكاری و جیاكارییە بهێندرێت، چونكە ئەم حكومەتەی ئێستا حكومەتێكی نادادپەروەرە و تەنها بۆ بەرژەوەندی بنەماڵەیەك بەكاردەهێندرێت و دەستی گرتووە بەسەر هەموو جومگەكانی ئەم حكومەتەدا تەنانەت ئەو بڕەپارەیەی كەلەبەغداوە دێت بۆ مووچەخۆران دەستی بەسەردا دەگرێت و نادرێتە مووچەخۆران, لەكاتێكدا كەئێستا ژیان و گوزەرانی خەڵك زۆر خراپە، لەبەشێكی تری كۆبوونەوەكەدا رفعەت عەبدوڵا ڕێنمایی پێویستی پێدان و گوێبیستی سەرنج وپێشنیارەكانیان بوو.