ئەرژەنتین لەلوتکە مایەوە سودانیش 10
پلە سەرکەوت
هەڵبژاردەی ئەرجەنتین پارێزگارى کرد
لە پلەی یەکەمی ڕیزبەندی جیهان کە لەلایەن
فیدراسیۆنی نێودەوڵەتی تۆپی پێى جیهانەوە بڵاوکرایەوە.
پۆلێنکردنەکە هیچ گۆڕانکارییەکی لە شەش
ریزبەندى سەرەکیددا نەکرد ، بەو پێیەى
هەڵبژاردەى ئەرژەنتین لە پلەى یەکەمى
ریزبەندى جیهانى مایەوە ، ئەمە جگە لەوەى فەرەنساش پێگەکەى خۆى پاراست و لە پلەى دووەمدایە ، ئیسپانیاو ئینگلتەراو بەرازیل و بەلجیکاش سێیەم تاکو شەشەمیان گرتوە .
سەبارەت بە هەڵبژاردەی پورتوگال، پلەیەک
سەرکەوتوە و پلەی حەوتەمی بەدەستهێناوە، هەڵبژاردەی هۆڵەندا بۆ پلەی هەشتەم دابەزی.
بەهەمان شێوەش ئیتاڵیا لەسەر حیسابی کۆلۆمبیا
بۆ پلەی نۆیەمی لیستەکە سەرکەوت کۆڵۆمبیاش دابەزی بۆ پلەی دەیەم.
فیفا لە بەیاننامەیەکی رەسمیدا ئاماژەی
بەوە کردووە کەئەنجامی ١٧٥ یاری نێودەوڵەتی کە لە ماوەی مانگی ئۆکتۆبەری ئەمساڵدا
ئەنجامدراون، حیساب کراوە، هەروەها هەڵبژاردەکانی سودان و کۆمۆرۆس بە پێشکەوتنی ١٠
پلە باشترین بازدانیان بەدەستهێناوە.
لەسەر ئاستی وڵاتانى عەرەبی، مەغریب وەک
باشترین هەڵبژاردە مایەوە، لە پلەی سیانزەی ریزبەندى بوو، عێراقیش لە پلەى 56 میندایە .
Copyright © 2020 Kirkuk Tv All Rights Reserved Designed And Developed By AVESTA GROUP
