ژمارەی قوربانیانی لافاوەکەی ئیسپانیا بۆ 95 کەس بەرزبووەوە

تیمەکانی فریاکەوتن و بەرپرسانی حکومەتی ئیسپانیا رایانگەیاند، ژمارەی ئەو کەسانەی لە لافاوەکەی ئیسپانیا گیانیانلەدەستداوە، بۆ 95 کەس بەرزبووەتەوە.
لافاوەکەی ئیسپانیا بووەتە کوشندەترین کارەسات لەو وڵاتەدا لەماوەی دەیان ساڵی رابردوودا.
لە بەیاننامەیەکدا، دەستەی هەماهەنگیی خزمەتگوزارییە فریاگوزارییەکان لە هەرێمی ڤالەنسیا، رایگەیاند 95 کەس تاوەکو ئێستا گیانیانلەدەستداوە.
دوێنێ چوارشه‌ممه‌،  فریاگوزاریی ئیسپانیا رایگه‌یاند، شەپۆلێکی باران و بای بەهێزو کەشی ناسەقامگیر وڵاتەکەی گرتووەتەوە بەتایبەت شاری ڤالەنسیا کە زۆرترین زەرەرمەندی ئەو لافاوەیە.