مێژووی ڕووبەڕووبوونەوەکانی نێوان عێراق و ئوردن لە سەرجەم پاڵەوانێتییەکان

مێژووی ڕووبەڕووبوونەوەکانی نێوان عێراق و ئوردن لە سەرجەم پاڵەوانێتییەکان
ئاکۆ بیبانى
رووبەروونەوەو بەیەک گەشتنى هەردوو هەڵبژاردەى عیراق و ئووردن لە سەرجەم خول و پاڵەوانێتیە جیاجیاکان هەمیشە تاو چێژى خۆى هەبووە ، پڕ بووە لە ڕکابەرى و ململانێ ، رکابەرى یاریزانانى هەردوو هەڵبژاردە چێژێکى زۆر دەبەخشێت بەهاندەران و شەیدایانى تۆپى پێ ، بەیەک گەیشتنى هەردوو هەڵبژاردە لە جامى ئاسیاى 2022 ئەو یارییە پڕ لە چێژە ، ئەو یارییە بەهێزە و کرانە دەرەوەى ئەیمەن حوسێن لەکاتى ئاهەنگ گێران و یەکسانکردنەوەى ئەنجامى یارییەکە و تۆمارکردنى گۆڵی سێیەم و بردنەوەش لە چەند دەقیقەیەکدا هەرگێز لە بیرو هزرى عێراقییەکان ناچێتەوە ، بۆ ئوردنیش یەکێکە لە یادگارییە جوان و شیرینەکان .
مێژووى بەرەنگاربونەوەى هەردوو هەڵبژاردە لە خول و پاڵەوانێتیە جیاجیاکان بە جۆرێکە کە گەواهى سەرکەوتن بۆ شێرەکانى رافیدەین دەدەن و دڵخۆشکەرن!  ئامار و داتاکانى پێمان دەلێێن عێراق زۆربەى جار باشتربووەو مێزەکەى بەسەر هاوتا ئوردنیەکەى قڵپ کردۆتەوە . رکابەری ئێستا قورس تر و جیاواز ترە ، چونکە بۆنەکە شەڕکردنە لە پێناو گەیشتن بە مۆندیال ، هەردوو هەڵبژاردە لەیەک گروپن ، هەردوو هەڵبژاردە خاوەنى 7 خاڵن و پلەکانى دووەم و سێیەمیان گرتوە ، مسۆگەرکردنى ئەو سێ خاڵە زۆرێک لە هاوکێشەکان دەگۆڕێت ، مژدەى گەورە بۆ عیراقییەکان دەهێنێت ، لەلایەک سێ خاڵ دەچێتەسەر هەژمارەکەى لەلایەکى دیکەش ڕکابەرەکەى دەشکێنێت و دەیهێنێتە پلەى سێییەمەوە .
مێژووى رووبەروونەوەى هەردوو هەڵبژاردە بەجۆرێکە ، کە تاکو ئێستا لە 51 یاریدا بەرامبەر یەکتر وەستاون ، عێراق لە 27 یاریدا بردنەوەى تۆماکردوە ، ئوردنیش تەنها لە 11 یاریدا توانیوێتى عێراق بشکێنێت ، 13 یارى نێوانیان بەیەکسانبوون کۆتای هاتوە .
عێراق توانیوێتى 82 گۆڵ لە تۆڕى ئوردن تۆماربکات ، ئوردنیش 52 جار تۆڕى گۆڵى عێراقی بەسەرکردۆتەوە .