4 تاقیکردنەوەى نوێى ئەنچیلۆتى کە لە ئەنفیڵد پلانەکان تەواو دەکەن

4 تاقیکردنەوەى نوێى ئەنچیلۆتى کە لە ئەنفیڵد پلانەکان تەواو دەکەن
ئاکۆ بیبانى

کارلۆ ئەنچیلۆتى راهێنەرى یانەى ریاڵ مەدریدى ئیسپانى بەرامبەر بە یانەى لیگانێس لە خولى یانەکانى ئیسپانیا چوار گۆڕانکارى لە پێکهاتەى سەرەکى و شێوازى یاریکردن و جێگۆڕکێی یاریزانان کرد و سەرکەوتوو بوو ، پێ دەچێت ئەو گۆڕانگارییانەش لیگانێسى کردبێت بە قوربانى ! ئامانجە گەورەکەى کارلۆ  شێوازى یاریکردن و خۆ گونجاندن و تاقیکردنەوەى یاریزانان بوو بۆ ڕووبەرووبونەوەى لیفەرپول لە خولى یانە پاڵەوانەکانى ئەوروپا کە بڕیارە شەوى چوار شەممە لە ئەنفێڵد بەرەنگارى یەکترببنەوە .
لە یارییەکەى شەوى رابردوو ، کارلۆ ئەنچیلۆتى یارى بە فیدى فالفێردى کرد وەک بەرگریکارى لاى راست و ئامانجەکەى پێکا ، دوای یارییەکەش راهێنەرە ئیتاڵیەکە ووتی : کوالێتى فالفێردى بەجۆرێکە دەتوانێت لە هەموو ناوچەیەکى یاریگا پشتى پێ ببەستیت .
یەکێکى دیکە لە تاقیکردنەوەکان یاری پێکردنى کیلیان مپاپێ بوو لە باڵى چەپ ، ئەم شێوازەش تەواو بەدڵى ئاسکە فەرەنسییەکە بوو ، فینى لە قوڵایی و کیلیان لە باڵى چەپ ئەوەش بووە هۆکارى ئەوەى بە ئاسیستى فینى کیلیان مپاپێ گۆڵ تۆماربکات ، ئەم ئاڵوگۆڕەش مەرجدارەو لە بەشێک لە یاریییەکان راهێنەرەکەى ریاڵ مەدرید پشتى پێ دەبەستێت .
کارلۆ ئەنچیلۆتى گۆڕانکارییەکى دیکەشى ئەنجامدا کاتێک بە متمانە بەخۆبوونەوە گارسیاى لە شوێنى مێندى یارى پێکرد و ئەو یاریزانەش سەرکەوتوو بوو لەو ئەرکەى پێى سپێردرابوو .
لەهێڵى ناوەندیش پلانەکانى گۆڕى بوو ، دانى سیپایۆس و ئاردا گولەر لە بردى مۆدریچ و برایم دیاز رۆڵیان گێرا و ئاستى بەرزیان پێشکەش کرد، رائول ئاسینسۆش یارییەکى خێراو پڕ لە تامەزرۆیی پێشکەش کرد .
هەموو ئەمانە گۆڕانکارییە نوێییەکانى راهێنەرى یانەى ریاڵ مەدرید بوو وەک ئامادەکارییەک بۆ بەیەک گەیشتنى یانەى لیفەرپول لە نێو یاریگاى ئەنفێڵد کە پێ دەچێت یارى کۆتایی پێش وەختەى خولى یانە پاڵەوانەکانى ئەوروپا بێت .