گروپه چه‌كداره‌كانی سوریا كه له‌لایه‌ن توركیاوه هاوكاری و پشتیوانی ده‌كرێن، فڕۆكه‌خانه‌ی سه‌ربازیی (ئه‌بو ڤهور)یان له رۆژهه‌ڵاتی شاری ئیدلب كۆنترۆڵ كرد.
به‌پێی سه‌رچاوه رۆژنامه‌وانییه‌كان، گروپه چه‌كداره‌كانی ( فیدراسیۆنی ته‌حریر شام) كه پێشتر به (به‌ره‌ی نوسره) ناسرابون، ئه‌مڕۆ 30ی تشرینی دووه‌می 2024 له به‌رده‌وامییی هێرشه‌كانیان بۆسه‌ر ئه‌و ناوچانه‌ی كه له‌ژێر كۆنترۆڵی سوپای سوریادایه، فڕۆكه‌خانه‌ی سه‌ربازیی ( ئه‌بو ڤهور)یان له رۆژهه‌ڵاتی شاری ئیدلب كۆنترۆڵكردوه‌و هه‌روه‌ها چوونه‌ته نێو شارۆچكه‌ی(مه‌عسه‌ران) و بنكه‌ی سه‌ربازیی هێزه‌كانی روسیایان له‌و شاره كۆنترۆڵ كردووه، ئه‌ویش دوای ئه‌وه‌ی سوپای روسیا دوێنی هه‌ینی له‌و بنكه‌یه پاشه‌كشه‌یان كرد.
به وته‌ی ئه‌و گروپه چه‌كدارییانه له ئێستادا شاری حه‌له‌ب له لایه‌ن هێزه‌كانیانه‌وه كه ناویان ناوه (حكومه‌تی رزگاریی) ئیداره ده‌كرێت.
ئه‌مه له‌كاتێكدا پێشڕه‌وی ئه‌و گروپه چه‌كدارانه له شاری حه‌له‌ب به‌ردوامه، بێئه‌وه‌ی له‌لایه‌ن سوپای ره‌سمی سوریاوه هیچ رووبه‌ڕوبونه‌وه‌و به‌ره‌نگارییه‌ك بكرێن و سوپای سوریا له پاشه‌كشه‌و كشانه‌وه‌ی به‌ردوامه‌دایه.
Copyright © 2020 Kirkuk Tv All Rights Reserved Designed And Developed By AVESTA GROUP