20 ساڵە بارسا هێندەى ئێستا خراپ نەبووە!

20 ساڵە بارسا هێندەى ئێستا خراپ نەبووە!
ئاکۆ بیبانى
وەرزى رابردوو بارسا بریندار بوو ، بارسا نەخۆش و ماندوو بوو ، بە دوای فریا دڕەس و راهێنەرێکدا دەگەڕا تیمارى برینەکانى بکات و ئازارەکانى رابردووى لەبیربباتەوە ! ئەفسوس ئێستا بارسا شەکەت ترەو برینەکانى خوێنى لێ دەتکێ ! ئێستا جەستەیی بارسا پڕە لە برین ، فریا رەسەکەى نقووم بوو لە بێ هیوایی ! ئێستا فلیک سەر لەهاوکێشەکان دەرناکات! ئێستا نە پلانەکانى ! نەتەڵەى ئۆفساید و نە تەکتیکەکانى ئیش ناکەن ، تونێلێکى تاریک لە پێشییانە دوورنیە دواجار کاپتنى پاسەکەى کامپ نۆ لەو تونێلەدا وون بێت .
دوای دەرکردنى چاڤى بارسا هاناى برد بۆ هانسى فلیک و لە سەرەتادا بارسایەکى جیاوازى بونیادنا،  بەڵام ئێستا بارسیلۆنایەکى وێران و پڕ لەکێشە و نغرۆ لە شکست بەرهەمەکەیەتى ، ئێستا لە لوتکەى ریزبەندییەوە دابەزیوە بۆ پلەى سێیەمى ریزبەندى! ئەتلەتیک بلباو چاوەڕوانى یەک کەوتنى دیکەى بلوگرانەیە تاکو خانەى سێیەمی ریزبەندیشى لێ وەربگرێت ، فلیک لە سەرەتادا لە کۆى 12 یارى ، 11 بردنەوەى بەخشى بە یانەکە ، کەچى 7 یارییە لە گێژاوێکى قورس و تەنگەژەیەکى گەورەدایە ، تەنها یەک بردنەوەى بەدەستهێناوەو لە چوار یارییاندا شکستى هێناوەو دوو یاریش یەکسانبووە ، ئەمەش خراپترین زنجیرەى شکستە لە دوای کەتیبەکەى فرانک ریکاردى هۆڵەندى لە ساڵى 2008 ئەو کات بارسا لە 4 یاریدا دۆڕابوو ، 4 یاریش دووچارى یەکسانبوون هاتبوو تەنها لە فالانێساى بردبوەوە .
مۆندۆ دیپۆرتیڤۆ دەربارەى شکستەکانى یانە کەتەلۆنیەکە دەنوسێت ئەم نیو وەرزەى فلیک خراپترین کۆتایی هاتنە لە 20 ساڵى رابردوو .
 لە هەمان کاتدا، ئەمە سێیەم دۆڕانە لەسەریەک بۆ یانە کەتەلۆنیەکە لە یاریگای خۆیدا، کە پێشتر تەنها جارێک بەسەر بارسادا هاتبوو، لە ساڵی ١٩٦٥، بارسا لەم وەرزەدا دووچارى 5 شکست هاتوە لە لالیگا ، لەکاتێکدا لە وەرزى رابردوو لە کۆى سەرجەم یارییەکان لە لالیگا بارسیلۆنا 5 شکستى هەبوو .
بارسا کۆتای بە یارییەکانى لە ساڵى 2024 هێنا لە خولى یانەکانى ئیسپانیا  تاکو  18 / 1 یارى ناکات تا ئەو کاتەى بەرامبەر بە گیتافی دەگەڕێتەوە بۆ قۆناغى دووەمى لالیگا .