دیاریکردنی ماوەی ئامادەنەبوونی ماونت لە مانچستەر یونایتد

وشەکان ناتوانن باس لە ڕوخان و ئەو وێرانکارییە بکەن کە هەستم پێکردوە ، رەنگە ئەو نیگایە ببینن کە لەسیمادا دیارە ، زۆر بێ ئومێد و بێ هێزم ، دووچارى شڵەژانێکى گەورە هاتووم ، ئەوەشى نوسیوە  هاندەرانی مانچستەر یونایتد، ڕەنگە هێشتا بە باشی من نەناسن، بەڵام شتێک هەیە کە دەتوانم گەرەنتیتان پێبدەم، ئەویش ئەوەیە کە هەرگیز وازناهێنم و متمانەم لەدەست نادەم، بەردەوام دەبم لە بەخشینی هەموو شتێک کە هەمە ئەم قۆناغە سەختە تێدەپەڕێنم و ناوەستم تا ئەو شتە بەدەست نەهێنم کە ئەمەوێ .
ئەمە پەیامى ماسۆن ماونتى یاریزانى یانەى مانچێستەر یونایتدى ئینگلیزییە دوای دووچاربوونى بە پێکانێکى قورس و نوێ لە دێربی مانێچستەر کاتێک دوای تەنها 15 دەقیقە ڕووبەرووى بوەوە بەو هۆیەوە یاریگاى بەجێهێشت ،  ماسۆن ماونت پێکان بەرۆکى بەرنادات و هەر جارەو بە جۆرێک خۆى نوێدەکاتەوە ، ئەمەش بە تەواوى یاریزانەکەى شەکەت و ماندووکردوە ، دوای پێکانەکە هەر زوو میدیاکانى ئینگلتەرا باسیان لە قورسى و شێوازى پێکانەکە کرد بەڵام دواجار بە شێوەیەکى رەسمى جۆرى پێکانەکەى دیاریکرا و ئەو ماوەیەش ئاشکرا کرا کە یاریزانەکە ناتوانێت بگەڕێتەوە بۆ یاریکردن .
ماسۆن ماونت بۆ ماوەى 10 هەفتە لە یاریگاکان ووردەکەوێتەوە ، ئەمەش لێدانێکى دیکەى کاریگەرە بەر یانەى مانچێستەر و خودى یاریزانەکە دەکەوێت بەوپێیەى یاریزانى ناوبراو لە دوای ئەوەى لە یانەى چێلسى لەندەنییەوە بەبەهاى 55 ملیۆن جونەی ئیستەرلینى پەیوەندى کرد بە ریزەکانى شەیتانە سورەکانەوە لە کۆى 77 یارى تیپەکەى تەنها توانیوێتى لە 33 یاریدا بەشدارى بکات! بەمەش نیوەى یاریییەکان پێکانى هەبووە ، لەم وەرزەشدا ماونتى تەمەن 25 ساڵ لە ڕکابەرییەکانى ئەم وەرزەى پرێمەرلیگ  تەنها لە 4 یاریدا بەشدارى کردوە .