داهاتی هەفتەی رابردووی سلێمانی زیاتر لە 5 ملیار دینار بووە

داهاتی یەك هەفتەی سلێمانی لە رۆژی 4 تا 10ـى ئەم مانگە، بڕی 5 ملیار و 734 ملیۆن و 282 هەزار و 540 دینار بووە.
سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك هەفتەی بڵاوکردەوە بەجۆرێک، کە بڕی 5 ملیار و 734 ملیۆن و 282 هەزار و 540 دینار بووە، كە لە 83%ـی داهاتەكە بەشێوەی نەختینە و لە 17%شی بەشێوەی چەكە، ئەوەشی دەمێنێتەوە بەشێوەی مقاسەیە.
رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پڕۆژەی شەفافییەت لە داهات و خەرجی.
بەپێی نوێترین ئاماری سایتی شەفافییەتیش، هەموو رۆژێك داهاتی ئەو شوێنانە بڵاودەكرێتەوە و دەتوانرێت سەرجەم داهاتە نانەوتییەكان لە پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانرێت .