ریاڵ مەدرید زۆر نزیکە لە بۆند کردن لەگەڵ ئەلفۆنسۆ دەیفز

يانەى ریاڵ مەدریدى ئیسپانى زۆر نزیک بۆتەوە لەوەى ئەلفۆنسۆ دەیفزى کەنەدى و بەرگریکارى یانەى بایرن میونشینى ئەڵمانى پەلکێشى ریزى یانەکەى بکات .
رۆژنامەى مارکاى ئیسپانى و نزیک لە یانەى ریاڵ مەدرید ئاماژەى بۆ ئەوەکردوە ئیدارەى یانەکەو ئەلفۆنسۆ دەیفز زۆر نزیک بونەتەوە لەوەى پێشبینى دەکرێت ! رۆژنامەکە ئەوەشى ووتوە ریاڵ مەدرید ئۆفەرەکەى زیاد ناکات بۆ یاریزانەکە و هەمان ناوەڕۆکى پێشووە .
جێگای سەرنجە : یانەى ڕیاڵ مەدرید نزیکەی ساڵێک لەمەوبەر لەگەڵ دەیڤز گەیشتە ڕێککەوتنێکی سەرەتایی،  ئەوەی ئەم گەشبینییە بەهێزتر دەکات ئەوەیە کە بریکاری یاریزانەکە، نیدال هۆسا، ڕێنمایی داوە بە پارێزەرەکان بۆ داڕشتنی گرێبەستەکە بە پشتبەستن بەو ووردەکاریانەى کە لەسەری ڕێککەوتوون.
لە ڕاپۆرتەکەدا ئاماژە بەوە کراوە کە یانەی شاهانە گۆڕانکاری لە ئۆفەرەکەی ئێستادا ناکات، هەرچەندە بایرن میونشن هەوڵی زۆری داوە بۆ نزیکبوونەوە لە داواکارییەکانی دەیڤز، دوایین ئۆفەر کە پێشکەش بە یاریزانە کەنەدییەکە  کرابوو ،  لەدوایی هاری کەین دەبووە دووەم بەرزترین مووچە لە یانە ئەڵمانیەکە .
یانەی ڕیال مەدرید دڵنیایە لەوەی کە خواستی دەیڤز بۆ یاریکردن لە یانە ئیسپانییەکە دەبێتە هۆکاری یەکلاکەردنەوەى ئەو بۆندە لەبەرژەوەندى قەڵای سپى .