فه‌رمانده‌ی گشتی هه‌سه‌ده‌ په‌یامێك ئاڕاستەی سەرۆکی ئەمریکا دەکات

مه‌زڵوم عه‌بدی فه‌رمانده‌ی گشتیی هێزه‌كانی سوریای دیموكرات (هه‌سه‌ده‌) په‌یامێكی ئاراسته‌ی دۆناڵد تره‌مپ کرد و رایگەیاند چاوەڕێی بەردەوامی هاوکارییەکانین بۆ گەیشتن بەسەقامگیریی ‌و تێکشکاندنی تیرۆر.
دوای سوێندخواردنی وەکوو سەرۆکی نوێی ئەمریکا مه‌زڵوم عه‌بدی فه‌رمانده‌ی گشتیی هێزه‌كانی سوریای دیموكرات (هه‌سه‌ده‌) په‌یامێكی بڵاوكردوه‌ته‌وه‌ و دوای پیرۆزبایی له ‌دۆناڵد تره‌مپ، نوسیویه‌تی: پێكه‌وه‌ ده‌توانین داهاتویه‌كی باشتر بۆ گه‌له‌كه‌مان بونیادبنێین.
مەزڵوم عەبدی له‌و پەیامه‌ پیرۆزباییه‌یدا كه‌ ئاڕاستەی دۆناڵد ترەمپی كردوه‌ دەڵێت: چاوەڕێی بەردەوامی هاوکارییەکانین بۆ گەیشتن بەسەقامگیریی ‌و تێکشکاندنی تیرۆر و پشتیوانیکردن لە ڕۆژاوای کوردستان.