له‌ خانه‌قین ته‌رمی گه‌نجێك نزیك روباری ئه‌ڵوه‌ند دۆزرایه‌وه‌

 
له‌ قه‌زای خانه‌قین ته‌رمی گه‌نجێك له‌ نزیك روباری ئه‌ڵوه‌ند دۆزرایه‌وه‌و پۆلیس لێكۆَلێنه‌وه‌ له‌ هۆكاری گیان له‌ده‌ستدانی ده‌كات.

ئه‌مڕۆ 4ی شوباتی 2025 هێزه‌كانی پۆلیس ته‌رمی گه‌نجێكیان له‌ نزیك روباری ئه‌ڵوه‌ند دۆزییه‌وه‌ كه‌ 4 رۆژ له‌مه‌به‌ر دیارنه‌ماوه‌.

سه‌رچاوه‌یه‌ك به‌ كه‌ناڵی كه‌ركوكی راگه‌یاند:" ئه‌و گه‌نجه‌ ناوی (وه‌هاب یوسف)ه‌و له‌دایكبووی ساڵی 1991 ه‌و دانیشتووی گه‌ڕه‌كی ئیمام عه‌باسی خانه‌قینه‌."

ئه‌و سه‌رچاوه‌یه‌ ئاشكراشیكردووه‌:" هۆكاری كوشتنی ئه‌و گه‌نجه‌، كێشه‌ی كۆمه‌ڵایه‌تیی بووه‌، به‌ڵام تائیستا کەس لەسەر رووداوەکە دەستگیرنەکراوە، پۆلیسش لیکۆلینەوەی له‌ كه‌یسه‌كه‌ ده‌ستپێكردووه‌"