سێنتکۆم: هێزەکانی هەسەدە سەرکردەیەکی داعشیان لە سوریا دەستگیرکرد

فەرماندەیی ناوەندیی هێزەکانى ئەمریکا رایدەگەیەنێت: هێزەکانی هەسەدە  سەرکردەیەکی داعشیان لە سوریا دەستگیرکردوە.
فەرماندەیی ناوەندیی هێزەکانى ئەمریکا سێنتکۆم لە راگەیەندراوێکیدا دەڵێت: هێزەکانی سوریای دیموکرات “هەسەدە” ئۆپراسیۆنێکیان لە چەند ناوچەیەکی سوریا دەستپێکرد و لە ئەنجامدا سەڵاح محەمەد عەبدوڵا، سەرکردەی شانەی رێکخراوی چەکداری داعشیان دەستگیرکرد.
سێنتکۆم دەشڵێت: هەر لەو هەڵمەتەدا هێزەکانى سوریای دیموکرات “هەسەدە” دەستیان بەسەر چەندین جۆر لە چەک و تەقەمەنی ئەو شانە نوستووەی داعشدا گرتووە.
ئاماژەی بەوەشکردوە: هەڵمەتەکانى هێزەکانى “هەسەدە” بۆ سەر رێکخراوی چەکداری داعش و تێکدانى بارەگاکیان لە سوریا بەردەوام دەبێت.