فالفێردی بۆمبە تەوقیتکراوەکەى ریاڵ مەدریدە لە هەر ساتێکدا !

فالفێردی بۆمبە تەوقیتکراوەکەى ریاڵ مەدریدە لە هەر ساتێکدا !
ئاکۆ بیبانى
فيدى فالفێردى خاوەن تواناو وزەیەکى زۆرە ، توانایەکى جەستەیی بەهێزى هەیە ، لێدانەکانى هاوشێوەى موشەکە زەمین بەزەمینەکانە!  خاوەن رۆحیەتێکى فیداکارى و جەنگاوەرییە ، دڵسۆز و لە خۆبوردەیە ، جێگاى متمانەى یانەو هاورێکانى و ئەنچیلۆتى راهێنەرە ، لە پێناو ناو ناوبانگى ریاڵ مەدرید ئامادەی ریسک کردنە ! ماندوێتى نازانێت .
 ئەو ئەستێرەیەى تۆپى پێ لە دایک بووى ساڵى 1998 ى وڵاتى ئۆراگواییە ، هەر لە منداڵییەوە خەونى گەیشتن بووە بە ریزەکانى یانەى ریاڵ مەدرید،  دیواری ژورەکەى بە وێنەکانى ریاڵ مەدرید رازێنرابوەوە .
 یەکەمجار زۆر بە گوڕو تینەوە هاتە ریاڵ مەدرید بۆ ئەوەى خەونەکەى بەدى بێت ، لەیەکەم تاقیکردنەوەیدا زیاتر لە دوو سەعاتى زیادە لە دوای تاقیکردنەوەکان لە بێرنابیۆ مایەوە تاکو سەرنجى زەینەدین زێدان راهێنەرى ئەوکاتى مەدریدیەکان بۆ لاى خۆى رابکێشێت .
فیدى بە لێدانە بەهێزەکانى دەناسرێتەوە ، ژمارەى گۆڵەکانى کەمن بەڵام گۆڵى جوان و ناوازەن ، بەرامبەر بە یانەى ئەتلەتیک بلباو یەکێک لە جوانترین و بەبەهاترین گۆڵەکانى پێشکەش بە قەڵاى سپى کرد لە دوورییەکى زۆرەوە ، ئەو گۆڵە هیواى ڕکابەرى بە یانەکە بەخشى بۆ شەڕکردن لەسەر نازناوى لالیگا .
لە میدیاى وەرزشى بە ئەل پاخارۆ ( باڵندە )  ناسراوە ئەویش بەهۆى خێراییی و جوڵەکانى لە یاریگادا .
تۆنى کرۆس هاوڕێى پێشووى لەمەدرید دەلێت : فالفێردى خاوەن توانایەکى سروشتیە لەکەم یاریزان بینیومە بەلایەنى کەمەوە تاکو 10 ساڵ یەکێک دەبێت لە ئەستێرەکانى دیارەکانى تۆپى پێ .
دیگۆ سیمیۆنى : دوای یەکێک لە دێربیەکان ووتى فالفێردى چەشنى بۆمێکە هەمیشە ئامادەیە بۆ تەقینەوەو گۆڕینى ئاراستەکان .
لویس سوارێز : فیدى هەر لەمنداڵییەوە ئاشقی ریاڵ مەدرید بوو ژوورەکەى پڕ بوون لە وێنەى سانتیاگۆ بێرنابیۆ .
کارلۆ ئەنچیلۆتى : فالفێردى تایبەت مەندییەکى هەیە کە لەکەم یاریزان هەیە ، هەم لە ڕووى بەرگری چالاکە هەم لە ڕووى هێرشبەرى ، ئەو ووزەیەکى بێسنورى هەیە .
دیگۆ فۆرلانى هاونیشتیمانى : فالفێردى گەورەترین بەهرەى تۆپى پێى ئۆراگواییە ئەو لەمن و سوارێزیش باشترە .