وەزارەتی دارایی هەرێم لیستی مووچەی رەوانەی بەغداد کرد

وەزارەتی دارایی هەرێم رایگەیاند، “لیستی مووچەی مانگی نیسان رادەستی وەزارەتی دارایی حکومەتی فیدراڵ کرا”.

وەزارەتی دارایی و ئابووریی هەرێم بڵاویکردەوە، ئەمڕۆ22ه‌ نیسانی 2025 لیستی مووچەی مانگی نیسانی فەرمانبەران و مووچەخۆرانی هەرێمی کوردستان لەلایەن تیمی تەکنیکیی وەزارەتی دارایی و ئابووریی هەرێمی کوردستانەوە رادەستی فەرمانگەی ژمێریاریی وەزارەتی دارایی حکومەتی فیدراڵ کرا.

وەزارەتەکە دەڵێت، رۆژی یەکشەممە 20ی نیسانی 2025 راپۆرتی تەرازووی پێداچوونەوەی مانگی ئازار و راپۆرتی کۆتایی ساڵی 2024 لەلایەن بەڕێوبەرایەتیی گشتیی ژمێرکاریی وەزارەتی دارایی و ئابوورییەوە بۆ فەرمانگەی ژمێریاریی وەزارەتی دارایی حکومەتی فیدراڵ نێردراوە.