وەفدێکی یەکێتی بەشداری لە کۆبوونەوەی کۆمیتەی کوردی سۆسیالیست ئینتەر ناسیۆناڵ دەکات

لە شاری سلێمانی بە ئامادەبوونی دکتۆرە جوان ئیحسان ئەندامی مەکتەبی سیاسی و  بە سەرپەرشتی دارا خەیلانی ئەندامی سەرکردایەتی و لێپرسراوی پەیوەندییەکانی دەرەوە، کۆبوونەوەی کۆمیتەی کوردی لە چوارچێوەی ڕێکخراوی سۆسیالیست ئینتەر ناسیۆناڵ دەستی بە کارەکانی کرد .
لە کۆبوونەوەکەدا کە سالار سەرحەد خەلیفە ئامادەیبوو، تیایدا نوێنەرانی حزبەکانی پارتی یەکێتی دیموکراتی و پارتی یەکسانی و دیموکراسی گەل و پارتی دیموکراتی کوردستان و حزبی دیموکراتی کوردستان و کۆمەڵەی کوردستانی ئێران و کۆمەڵەی کوردستان و حزبی کۆمۆنیستی ئێران و هێزەکانی سوریای دیموکرات، لەسەر بانگهێشتی یەکێتیی نیشتیمانیی کوردستان بەشداربوون.
هەر لە کۆبوونەوەکەدا، پێکهاتەو پەیڕەوی کارکردنی کۆمیتەی کوردی و نەخشەی داهاتووی کاری هاوبەش و پێکەوەیی گفتوگۆی ووردی لە بارەوە کرا بۆ ئەوەی کورد بە یەکڕیزی و یەکگرتووی ڕووبەڕووی ئاڵەنگارییەکان ببێتەوە بۆ گەیشتن بە ئامانج و مافە ڕەواکانی.
لە کۆتایی کۆبوونەوەکەدا،  نوێنەرانی پارتە بەشداربووەکان سوپاسی ئەم هەوڵەی یەکێتیی نیشتمانیی کوردستانییان کرد بۆ کۆکردنەوەی سەرجەم پارتە سیاسییەکان لە هەر چوارپارچەی کوردستان .