ئەندامێکی ئەنجومەنی نوێنەرانی عیراق هۆکاری دواکەوتنی موچە ئاشکرا دەکات و دەڵێت: پەیوەندی بە قەیرانی داراییەوە نییە، بەڵکو پەیوەندیی بە کەمیی نەختینەوە هەیە.
د. نەرمین مەعروف، ئەندامی لیژنەی دارایی لە ئەنجومەنی نوێنەرانی عێراق رایگەیاند: دواکەوتنی مووچە پەیوەندی بە قەیرانی داراییەوە نییە، بەڵکو پەیوەندیی بە کەمیی نەختینەوە هەیە.
لەبارەی کاریگەرییەکانی کەمیی نەختینەشەوە وتی: لەپاڵ مووچەی مووچەخۆرانی هەرێم، مووچەی هەندێک دامودەزگای حکومەتی فیدراڵیش دوادەکەوێت.
ئاماژەی بەوەشکرد: حکومەتی عێراق نیەتی دواخستنی مووچەی نییە، بەڵام هیچ شتێکیش گەرەنتی ناکرێت و ئەگەر دۆخێکی نەخوازراو بێتە ئاراوە و نرخی نەوت زیاتر داببەزێت، رەنگە کێشە دروستببێت.
د. نەرمین مەعروف ئاشکرایشیکرد: حکومەتی عێراق چەند هەنگاوێکی بۆ دەستخستنی نەختینە ناوە.
Copyright © 2020 Kirkuk Tv All Rights Reserved Designed And Developed By AVESTA GROUP