سودانی بە سەردانێکی رەسمی بەرەو تورکیا بەڕێکەوت

محەمەد شیاع سودانی سەرۆک وەزیرانی عێراق بە سەردانێکی رەسمی بەرەو تورکیا بەڕێکەوت.
ماوەی چەند هەفتەیەکە پلانی گەشتەکەی سودانی بۆ تورکیا داڕێژراوە کە خۆی لە بەشداریکردن لە کۆبوونەوەکانی ئەنجومەنی باڵای عێراقی-تورکی بۆ هەماهەنگی ستراتیژی دەبینێتەوە.
بڕیارە لە ژمارەیەک کۆبوونەوەیدا لەگەڵ بەرپرسانی تورکیا سودانی گفتوگۆ لەبارەی پەیوەندییە دووقۆڵییەکان و  گۆڕانکارییە هەرێمایەتی و نێودەوڵەتییەکان بکات.
هاوکات چاوەڕێدەکرێت ژمارەیەک بەڵگەنامەو رێکەوتن بۆ هاوکاری و هەماهەنگی لە بوارە جیاوازەکاندا ئیمزا  بکرێن.