تره‌مپ دوای گه‌شتەکەی بۆ سعودیه‌ و قه‌ته‌ر و ئیمارات : بێ هیوا نیم چوار تریلیۆن دۆلارمان ده‌ستكه‌وت

دۆناڵد تره‌مپ، سه‌رۆكی ویلایه‌ته‌ یه‌كگرتوه‌كانی ئه‌مریكا ئه‌مڕۆ له‌ كاتی گه‌ڕانه‌وه‌یدا بۆ ئه‌مریكا دوای گه‌شتەکەی بۆ سعودیه‌ و قه‌ته‌ر و ئیمارات ئەنجامیدا، په‌یامنێرێك لێی دەپرسێت ئایا له‌ كوالێتی ئه‌و وەفده‌ی كه‌ ڕوسه‌كان بۆ توركیایان نارد بوو بێ هیوای؟" دۆناڵد تره‌مپ له‌ وه‌ڵامدا وتی: هیچ شتێك له‌باره‌ی وەفده‌كه‌وه‌ نازانم، له‌ هیچ شتێكیش بێ هیوا نیم! بۆچی بێ هیوابم؟ ئێمه‌ زیاتر له‌ چوار ترلیۆن دۆلارمان ده‌ستكه‌وت .
دۆناڵد تره‌مپ باسیله‌وه‌شكرد: هیچ ڕونادات تا من له‌گه‌ڵ ڤلادمیر پوتن سه‌رۆكی ڕوسیا یه‌كتر نه‌بینین، پێموانییه‌ هیچ شتێك ڕوبدات، به‌ڵام ناچار ده‌بین كێشه‌كان‌ چاره‌سه‌ر بكه‌ین، چونكه‌ خه‌ڵكێكی زۆر له‌ مردندان.