تەقینەوەیەك لەپاڵاوگەی بێجی ڕویدا و ئاگرێكی
گەورە كەوتەوە و سێ كەس بریندارن.
میدیاکانی عێراق بڵاویانکردەوە، بەیانی
ئەمڕۆ تەقینەوەیەک لە کورەی ژمارە 109 لە پاڵاوگەی بێجی لە پارێزگای سەڵاحەدین رویداوە
و بەهۆیەوە ئاگرێکی گەورە کەوتوەتەوە.
ئاماژەیان بەوەشکرد، بەهۆی ئاگرەکەوە سێ
کەس برینداربون، چەندین تیمی بەرگریی شارستانیی گەیشتونەتە شوێنی روداوەکە و لە هەوڵی
کۆنتڕۆڵکردنی ئاگرەكەدان.
بەگوێرەی میدیاكانی عێراق، تا ئێستا وردەکاری
زیاتر و قەبارەی زیانەکان و هۆکاری ئاگرەكە نەزاندراوە و لە چەند سەعاتی داهاتودا لەلایەن
لیژنەیەکی تایبەتمەندەوە ئاشکرادەکرێت.
Copyright © 2020 Kirkuk Tv All Rights Reserved Designed And Developed By AVESTA GROUP