وتەبێژی حەج و عومرەی کوردستان: هیچ حاجییەکی کوردستان نەمردووە

دوای ئەوەی لە بەشێک لە تۆڕەکۆمەڵایەتییەکان وابڵاوکرایەوە حاجییەکی کورد لە سعودیDە بەڕووداوی هاتوچۆ گیانی لەدەستداوە، وتەبێژی حەج و عومرەی کوردستان رەتی دەکاتەوە و دەڵێت هیچ حاجییەک گیانی لەدەست نەداوە و سەلامەتن.
کاروان ستوونی، وتەبێژی بەڕێوەبەرایەتی حەج و عومرەی کوردستان رایگەیاند هیچ حاجییەک گیانی لەدەستنەداوە و سەرجەم حاجییان لە شارەکانی مەککە و مەدینەن و سەلامەتن.
ئەمە لە کاتێکدایە، لە بەشێک لە تۆڕەکۆمەڵایەتییەکان وابڵاوکرایەوە حاجییەکی کورد لە سعودییە بەڕووداوی هاتوچۆ، گیانی لەدەستداوە.
بۆ ئەمساڵ 5 هەزار و 136 کەس لە هەرێمی کوردستانەوە حەج دەکەن، لەو ژمارەیە لە رۆژانی 16 و 17ـی ئەم مانگەدا یەک هەزار و 646 حاجی بە رێگای وشکانی گەشتی سعودییەیان کردووە و 3 هەزار و 490 حاجیش بە رێگەی ئاسمانییەوە گەشت دەکەن، بەپێی پلانی حەج و عومرەی کوردستان تا 28ـی ئەم مانگە، تەواوی حاجییان دەگەنە سعودییە.