وه‌زیری ده‌ره‌وه‌ی ئه‌مریكا: سوریا چەند هەفتەیەک لە شەڕی ناوخۆوە دوورە

وەزیری دەرەوەی ئەمریکا، هۆشداریی لەبارەی دۆخی سووریا ده‌دات و رایده‌گه‌یه‌نێت، كه‌ ئه‌و وڵاته‌ چەند هەفتەیەک لە شەڕی ناوخۆوە دوورە.
 
مارکۆ روبیۆ، وەزیری دەرەوەی ئەمریکا لە ئەنجوومەنی پیرانی وڵاتەکەی نهێنییه‌كی سه‌باره‌ت به‌ دۆخی ئه‌منی سوریا ئاشكراكردو رایگەیاند: "هەڵسەنگاندنیان بۆ قۆناغی راگوزەری سوریا ئەوەیە، بە راشکاوی و لەسایەی ئەو ئاڵنگارییانەی رووبەڕووی بووەتەوە، سوریا نەک چەند مانگێک، بگرە چەند هەفتەیەک لە ئەگەری داڕووخان و جەنگی ناوخۆیی سەرتاسەریی و دابەشبوونه‌وه‌ دوورە"

رۆبیۆ وتی:"ده‌مانه‌وێت  یارمه‌تی حكومه‌تی سوریا بده‌ین بۆ سه‌ركه‌وتن، چونكه‌ سه‌رنه‌كه‌وتن ئاژاوه‌و شه‌ڕی ناوخۆی سه‌رتاسه‌رییه‌" 
 
وتیشی:"ده‌بێت ده‌سه‌ڵاتدارانی سوریا بڕیار بده‌ن كه‌ ئاخۆ رێگه‌ به‌ بوونی بنكه‌ی بیانی له‌ وڵاته‌كه‌ ده‌ده‌ن یان نا"

 ئه‌مه‌ له‌كاتێكدا، پێش رۆژێک دۆناڵد ترەمپ، سەرۆکی ئەمریکا و ئەحمەد شەرع، سەرۆکی قۆناغی راگوزەری سووریا له‌ سعودیه‌ كۆبونه‌وه‌و سه‌رۆكی ئه‌مریكا رایگه‌یاند كه‌ سزاكانی سه‌ر ئه‌و وڵاته‌ هه‌ڵده‌گرن.