عێراق لە ریزبەندی
نۆیەمین وڵاتی عەرەبیدایە لە بەرکەوتنی پشکی داهاتی وڵاتەکەی بۆ ساڵی 2025 و هەر هاووڵاتییەکی عێراقی پێنج هەزار دۆلاری
بەردەکەوێت.
پێگەی (کۆتری کاسدت) کە رێکخراوێکی تایبەتی ئامار و داتا نێودەوڵەتییەکانە بڵاویکردەوە،
پشکی هەر هاووڵاتییەک لە ماوەی ساڵێکدا پەیوەستە بە دەستکەوتی وڵاتەکە و
دابەشکردنی بەسەر ژمارەی دانیشتوانی وڵاتەکەدا.
وڵاتانی لۆکسمبۆرگ و
سویسرا وئیرلەندا لە ریزبەندی یەکەمی وڵاتەکانی دونیادان و عێراق لە ریزبەندی
نۆیەمینی وڵاتانی عەرەبیدایە.
بەپێی ئاماری پێگەکە
پشکی هەر تاکێکی عیراقی بۆ ساڵێک، پێنج هەزار و 668 دۆلارە، وڵاتی قەتەریش لە
ریزبەندی یەکەمدایە و پشکی هەرکەسێک لە داهاتی وڵاتەکەدا 71 هەزار و 653 دۆلارە و
بە دوای ئەودا وڵاتی ئیمارات دێت کە 51 هەزار و 294 دۆلارە، بەگوێرەی راپۆتی
پێگەکە داهاتی هەر وڵاتێک بە دراوی ناوخۆیی پێوانەکراوە و دواتر گۆڕیویانە بە
دۆلار تا لەو رێگەیەوە بگەنە پشکی راستەقینەی تاک لە داهاتی وڵاتەکەدا.
Copyright © 2020 Kirkuk Tv All Rights Reserved Designed And Developed By AVESTA GROUP