ترەمپ: پێموانییە ئێران و ئیسرائیل هێرشبکەنەوە سەر یەکتر

دۆناڵد ترەمپ، سەرۆکی ئەمریکا لە کۆنفرانسێکی رۆژنامەوانیدا رایگەیاند: هەفتەی رابردوو هێرشێکی زۆر ورد و سەرکەوتووانەمان بۆ سەر دامەزراوە ئەتۆمییەکانی ئێران ئەنجامدا .
وتیشی، ئێمە هێزێکی سەربازیی ترسناکمان هەیە و هێرشەکانمان لە ئێران، ئەو هێزەی ئەمریکای نیشاندا و رێگەش نادەین ئێران ببێتە خاوەنی چەکی ئەتۆمی.
دەشڵێت، ئێران و ئیسرائیل جارێکی دیکە هێرش ناکەنەوە سەر یەکتر چونکە خۆیان لە شەڕەکەی نێوانیان ماندووبوون و داوایانکرد، ئاگربەست رابگەیەندرێت.
هەروەها لاى خۆشیەوە،  پیت هێگسێس، وەزیری بەرگریی ئەمریکا رایگەیاند: ئەو دەنگۆیانەی باس لەوەدەکەن ئێران پێش هێرشەکانی ئەمریکا، یۆرانیۆمێکی زۆری پیتێندراوی لە وێستگە ئەتۆمییەکان لابردووە، راست نین و هەواڵگریی ئەمریکاش ئەمەی پشتڕاست نەکردووەتەوە.
وتیشی: ئۆپراسیۆنەکەی ئەمریکا بە سەرکەوتوویی کۆتاییهات و یەکێکیش بووە، لە ئاڵۆزترین ئۆپراسیۆنەکانی مێژوو کە ئەنجامدرابێت.