پۆلیسی كه‌ركوك بكوژانی روداوی كوشتنه‌كه‌ی دوێنێ ده‌ستگیرده‌كات

به‌ڕێوه‌به‌رایه‌تی پۆلیسی كه‌ركوك ده‌ستگیركردنی بكوژانی ئه‌و هاوڵاتییه‌ راده‌گه‌یه‌نێت كه‌ دوێنێ له‌نێو ئۆتۆمبێله‌كه‌ی خۆیدا له‌نزیك نه‌خۆشخانه‌ی ئازادی كوژرا.

به‌ڕێوه‌به‌رایه‌تی پۆلیسی كه‌ركوك له‌به‌یاننامه‌یه‌كدا رونیكردوه‌ته‌وه‌ هێزه‌كانیایان دوای ده‌ستپێكردنی لێكۆڵینه‌وه‌ له‌روداوی كوشتنی ئه‌و گه‌نجه‌ و به‌ده‌ست هێنانی زانیاری ورد، توانیویانه‌ بكوژه‌كان ده‌ستگیربكه‌ن و وته‌یان لێوه‌رگیراوه‌و دانیان به‌تاوانه‌كه‌یاندا ناوه‌.

دوێنێ هاوڵاتییه‌كه‌ كه‌ خه‌ڵكی چه‌مچه‌ماڵ بووه‌ له‌به‌رده‌م نه‌خۆشخانه‌ی ئازادی كه‌ركوك و له‌نێو ئۆتۆمبێله‌كه‌ی خۆی ته‌قه‌ی لێكراو ده‌ستبه‌جێ گیانی له‌ده‌ستدا.

بۆ ده‌ستگیركردنی تاوانباره‌كه‌ش پۆلیسی كه‌ركوك ده‌ستیكرد به‌ لێكۆڵینه‌وه‌ له‌وروداوه‌و دوای چه‌ند سه‌عاتێكیش به‌پێی سه‌رچاوه‌یه‌ك بكوژه‌كه‌ ده‌ستگیركراوه‌.