مەکتەبی سیاسی یەکێتیی نیشتمایی کوردستان به‌بۆنه‌ی جه‌ژنی نه‌ته‌وه‌یی نه‌ورۆزو ساڵی نوێی كوردی، له په‌یامێكدا وێڕای گه‌رمترین پیرۆزبایی له كۆمه‌ڵانی خه‌ڵكی كوردستان و گه‌لانی ناوچه‌كه، راشیگه‌یاندووه:" ئومێدەوارین، جەژنی نەورۆزی ئەمساڵ، ببێتە هەوێنی ئاشتی و ئارامی و خۆشگوزەرانی و پتەوکردنی یەکێتی ریزەکانی گەلەکەمان. "
به‌ڵێنش دووپاتده‌كاته‌وه كه: یەکێتیی نیشتمانیی کوردستان لە پێناوی ئامانج و مافە بەدینەهاتووەکانی گەلەکەماندا، لە چوار چێوەی پرەنسیپە دەستورییەکانی عیراقی فیدراڵدا هەمیشە لەخەبات وتێکۆشان بەردەوام دەبێت" .
ده‌قی په‌یامه‌كه ..
بەبۆنەی جەژنی نەتەوەیی نەورۆز و ساڵی نوێی کوردی (2723) وە گەرمترین پیرۆزبایی لە کۆمەڵانی خەڵکی کوردستان و گەلانی ناوچەکە دەکەین و ئومێدەوارین، جەژنی نەورۆزی ئەمساڵ، ببێتە هەوێنی ئاشتی و ئارامی و خۆشگوزەرانی و پتەوکردنی یەکێتی ریزەکانی گەلەکەمان.
نەورۆز کە نوێبوونەوەی سروشتە، جەژنی ئازادیخوازان و راپەڕینی کوردیشه دژی ستەمکاری و هاوکاتە لەگەڵ یادی تاجی سەرکەوتنەکانی راپەڕینی ساڵی ١٩٩١ ی کۆمەڵانی خەڵکی کوردستان لە شاری کەرکوک. لەم بۆنەیەدا بەڵێن دووپاتدەکەینەوە کە یەکێتیی نیشتمانیی کوردستان لە پێناوی ئامانج و مافە بەدینەهاتووەکانی گەلەکەماندا، لە چوار چێوەی پرەنسیپە دەستورییەکانی عیراقی فیدراڵدا هەمیشە لەخەبات وتێکۆشان بەردەوام دەبێت .
هەر لەم بۆنەیەدا دروود بۆ گیانی پاکی شەهیدانی رێگای رزگاری کوردو کوردستان و سڵاو بۆ کەسوکاری شەهیدان و پارێزەرانی دەسکەوت وئازادییەکانی گەلەکەمان دەنێرین .
مەکتەبی سیاسی
یەکێتیی نیشتمایی کوردستان
Copyright © 2020 Kirkuk Tv All Rights Reserved Designed And Developed By AVESTA GROUP