سعودیه‌ له‌ باره‌ی عه‌مره‌ بڕیارێك ده‌رده‌كات

سعودیە رایگه‌یاند، رێگه‌ده‌درێت له‌ مانگی ره‌مه‌زاندا ته‌نها یه‌ك جار (عەمرە) ئه‌نجامبدرێت، ئه‌ویش به‌ مه‌به‌ستی به‌شداریكردنی زۆر ترین كه‌س له‌و رێوره‌سمه‌ ئاینییه‌دا.

له‌راگەیەندراوێکدا وەزارەتی حەج و عەمرەی سعودیە رایگه‌یاندووه‌، لە مانگی رەمەزاندا خواست لەسەر ئەنجامدانی رێورەسمی عەمرە زیاد دەکات، وەزارەتەکەش بۆ بەشداریکردنی زۆرترین موسوڵمان بڕیاری دا تەنھا یەکجار رێگە بدات بە ئەنجامدانی عەمرە لە رەمەزاندا.

ئاماژەی بۆئەوەشکردوه‌، وەرگرتنی رەزامەندیی لە رێگەی ئەپڵیکەیشنی (نسک) و پابەندبوون بە کاتی دیاریکراو بۆ ئەنجامدانی عەمرە بە پێویست دەزانێت.

رونیشیکردووەتەوە، ھیچ تایبەتمەندییەک نیە بۆ گۆڕینی وادەی ئەنجامدانی عەمرە، بەڵام وادەکە لە رێگەی ئەپڵیکەیشنەکەوە دەتواندرێت ھەڵبوەشێنرێتەوە بەر لە کاتی دەرچوونی رێگەپێدان.