ئهمڕۆ 4 نیسان 2023 فەرماندەیی ناوەندیی ئەمریکا کوژرانی گهوره تیرۆرستێكی دیاری تاقمی تیرۆرستی داعشی لە سوریا ڕاگەیاند.
لە له راگهیهندراوێكدا فەرماندەیی ناوەندیی ئەمریکا ئاماژهی بۆئهوهكردووه کە: " ئهو گهوره تیرۆریستەی داعش ناوی (خالد ئەحمەد جبوری)یەو داڕێژهری پیلانی پهلامارهكانی داعش بووه لە ئەوروپاو كاریكردووه بۆ پەرەپێدان و پێشخستنی پیلانهكانی داعش.
بهپێی راگهیهندراوهكهی فەرماندەیی ناوەندی ئەمریکا،"هیچ هاوڵاتییەکی مەدەنی لەو هێرشەدا نەکوژراوە و بریندار نەبووە".
باسی لهوهشكردووه، "کوژرانی جبوری بۆ ماوەیەکی کاتی تواناكانی داعش له پلاندانان بۆ پهلاماره دەرەکییەکان پهكدهخات."
جەختیشیکردەوە لەوەی، ئۆپراسیۆنەکانی ئەمریکا لە سوریا و عێراق بۆ لەناوبردنی تەواوەتی تیرۆریستانی داعش بەردەوام دەبێت.
Copyright © 2020 Kirkuk Tv All Rights Reserved Designed And Developed By AVESTA GROUP