سه‌رۆكی ئه‌مریكا هه‌ڵوێستی سه‌باره‌ت به‌ سه‌ركه‌وتنی ئه‌ردۆغان راگه‌یاند

جۆ بایدن، سەرۆکی ویلایه‌ته‌ یه‌كگرتووه‌كانی ئەمریکا، به‌بۆنه‌ی هه‌ڵبژاردنه‌وه‌ی به‌ سه‌رۆكی تورکیا، پیرۆزبایی ئاراسته‌ی ڕەجەب تەیب ئەردۆغان، کرد.

بایدن لە لێدوانێكی رۆژنامه‌وانیدا وتی: " سەبارەت بە پرسە هاوبه‌شه‌كان و ئالنگارییه‌ جیهانیییه‌ هاوبه‌شه‌كان، بەوپەڕی خۆشحاڵییەوە چاوەڕێی بەردەوامیی کارکردنم لەگەڵ تورکیا وەک دوو ئه‌ندامی هاوپەیمانیی ناتۆ" 
 
ڕەجەب تەیب ئەردۆغان، سەرۆک کۆماری تورکیا، دوای کێبڕکێیەکی توند لەگەڵ کەمال کلچدارئۆغڵو، سەرۆکی ئۆپۆزسیۆن، سەرکەوتنی بەدەستهێناو به‌ سه‌رۆكی توركیا هه‌ڵبژێردرایه‌وه‌.