مامۆستایانی ناڕازی له‌ كه‌لارو كفری گردبونه‌وه‌و داوای شایسته‌كانیان ده‌كه‌ن

له‌به‌رامبه‌ر پێنه‌دان و دواكه‌وتنی  مووچه‌كانیان جارێكیتر مامۆستایانی ناڕازی له‌هه‌ڵه‌بجه‌و سلێمانی و ده‌ربه‌ندیخان و  گه‌رمیان گردبوونه‌وه‌ی ناڕه‌زایه‌تیان ئه‌نجامدا .

له‌ هه‌ردوو قه‌زای كه‌لارو كفری سنوری ئیداره‌ی گه‌رمیانیش  مامۆستایانی ناڕازی گردبوونه‌وه‌و ناڕه‌زایه‌تیان ئه‌نجامدا، گردبوونه‌وه‌و ناڕه‌زایه‌تی مامۆستایان له‌ئه‌مساڵدا زیاتر له‌بیست جاری تێپه‌ڕاندووه‌. 

ئه‌گه‌رچی له‌هه‌ندێك له‌ خوێندنگه‌كان به‌هۆی قۆناغه‌ كۆتاكانه‌وه‌ 9 و 12 وه‌ پڕۆسه‌ی خوێندن به‌رده‌وامه‌ به‌ڵام به‌ شێوازێكی پچڕ پچڕ پڕ به‌ڵام ژماره‌ی ئه‌و خوێندنگایانه‌ش له‌په‌نجه‌ی ده‌ست تێپه‌ڕناكه‌ن. 
نوێنه‌ری مامۆستایانی ناڕازیش ده‌ڵێت: تاوه‌كو كێشه‌ی موچه‌و شایسته‌كانیان چاره‌سه‌ر نه‌بێت ناگه‌ڕێنه‌وه‌ هۆڵه‌كانی خوێندن و ده‌رگای خوێندنگه‌كانیش به‌ڕووی خوێندكاراندا ناكه‌نه‌وه‌.