بەهۆی شەپۆلی گەرماوە 155 کەس لە مەکسیک گیانیان لەدەستداوە

لەمانگی ئاداری رابردووەوە لەمەکسیک 155 حاڵەتی گیانلەدەستدانی پەیوەست بەبەرزبوونەوەی پلەی گەرمی تۆمارکراوە، لەو ژمارەیەش 30 کەسیان لەماوەی هەفتەی رابردوودا بــ,وە.
بەپێی ڕاپۆرتی هەفتانەی وەزارەتی تەندروستی مەکسیک، لە 17ی ئادارەوە تاوەکو ئێستا 2 هەزار و 567 کەس تووشی کێشەی تەندروستی پەیوەست بەبەرزبوونەوەی پلەکانی گەرما بوون، دەشڵێت: وەرزی گەرما تا 5ی ئۆکتۆبەر بەردەوام دەبێت.
هەروەها بەهۆی بەرزبوونەوەی پلەکانی گەرما لەباشوری مەکسیک بەدەیان مەیمون گیانیان لەدەستداوە.
جگە لەوەش ئاوی زۆرێک لەبەنداوەکان بۆ ئاستێکی مەترسیدار کەمیکردووە، سەرەڕای بارانبارین لەهەندێک ناوچەدا کە لەم هەفتەیەدا بەهۆی زریانی گەرمی “ئەلبـێرتـۆ”ەوە باریــوە.