روسیا و ئۆکرانیا ١٨٠ بارمتە ئاڵوگۆڕ پێدەکەن

وەزارەتی دەرەوەی ئیمارات سەبارەت بە ئاڵوگۆڕکردنی ١٨٠ بارمتەی جەنگی نێوان روسیا و ئۆکرانیا ڕاگەیاندراوێکی بڵاوکردەوە.
وەزارەتی دەرەوەی ئیمارات بڵاوی کردەوە، بە نێوەندگیری وڵاتەکەمان ڕۆژی سێشەممە روسیا و ئۆکرانیا ١٨٠ بارمتەیان ئاڵوگۆڕ پێکرد، کە لەجەنگی نێوانیاندا بە بارمتە گیرابوون.
ئاماژە بەوەشکراوە: پڕۆسەی ئاڵوگۆڕکردنەکە بەسەرکەوتوویی تەواوبووە و هەر لایەک ٩٠ سەربازی وڵاتەکەی دیکەی ئازادکردووە.
جێگەی ئاماژەیە، لە ٢٤ـی شووباتی ٢٠٢٢ـەوە، هێرشی روسیا بۆ سەر ئۆکرانیا دەستیپێكردووە و زیاتر لە دوو ساڵە جەنگ لە نێوان ئەو دوو وڵاتەدا بەردەوامە و بەشێكی زۆری خاكی ئۆکرانیا ، لەلایەن سوپای روسیاوە دەستی بەسەردا گیراوە.