مەكتەبی سیاسی یەكێتی نیشتمانی كوردستان پیرۆزبایی لە بزوتنەوەی گۆران دەكات

مەكتەبی سیاسی ی.ن.ک بەبۆنەی ساڵیادی دامەزراندنی بزوتنەوەی گۆڕانەوە، پەیامێکی پیرۆزبایی ئاڕاستەی سەركردایەتی و هەڵسوراوانی بزوتنەوەکە دەکات.

مەكتەبی سیاسی ی.ن.ک پەیامێکی پیرۆزبایی ئاڕاستەی بزوتنەوەی گۆڕان دەکات و ڕایدەگەیەنێت: لەساڵیادی دامەزراندنی بزوتنەوەی گۆراندا، پیرۆزبایی گەرم ئاراستەی سەرکردایەتی و هەڵسوڕاو و لایەنگرانی بزووتنەوەی گۆڕان دەكەین.

هەر لە پەیامەکەدا مەکتەبی سیاسی رایگەیاندووە، ساڵیادی دامەزراندنی بزوتنەوەکە هاوكاتە لەگەڵ نزیكبوونەوەی هەڵبژاردنی پەرلەمان كە خەڵكی كوردستان ئومێدی گەورەیان لەسەر هەڵچنیوە بۆ راستكردنەوەی رێڕەوی حوكمرانیی و خزمەتی زیاتری كۆمەڵانی خەڵكی كوردستان کە پێمان وایە ئەمە ئامانجی هەموو هێزە دەربەستەکانی کوردستانە.

لەکۆتایشدا مەکتەبی سیاسی جەخت لە هاوبەشی و پێكەوەیی هەموو هێز و لایەنە سیاسییەكان دەكاتەوە، بە ئاراستەی بەرەنگاربوونەوەی ئاڵەنگارییەكان و پاراستنی قەوارەی هەرێمی كوردستان و پەرەپێدانی.