تەقینەوەی ئۆتۆمبیلێك به‌ هێزێكی سوپادا لە سنوری کەرکوک قوربانی لێكه‌وته‌وه‌

بۆمبێکی چێندراو بە ئۆتۆمبیلێكی سوپای عێراقدا له‌ سنووری كه‌ركوك تەقییه‌وه‌ و شه‌هیدبوونی ئەفسەرێک و بریندار بوونی ئەفسەریێکی دیکەو سێ سەربازی لێكه‌وته‌وه‌.

 سه‌رچاوه‌یه‌كی ئه‌منی له‌ پارێزگای كه‌ركوك ئاماژه‌ی بۆئه‌وه‌كرد:" ئێواره‌ی ئه‌مڕۆ 4-9-2024 بۆمبێكی چێندراو به‌ ئۆتۆمبیلی كاروانێكی سوپای عێراق له‌ ناوچه‌ی غه‌ڕه‌ی سه‌ربه‌ قه‌زای دوبز ته‌قیوه‌ته‌وه‌و ئەفسەرێک شه‌هیدو ئەفسەریێکی دیکەو 2 سەربازش برینداربون.

به‌وته‌ی ئه‌و سه‌رچاوه‌یه‌:" موقه‌ده‌م له‌یس موئه‌یه‌د به‌رپرسی هۆبه‌ی هه‌واڵگریی فه‌وجی 2ی لیوای 8ی فیرقه‌ی 32و ئه‌فسه‌رێكی دیكه‌ش به‌پله‌ی موقه‌ده‌م به‌ناوی ئه‌حمه‌د محه‌مه‌د ئه‌مین شه‌هیدبوون و 2سه‌ربازی دیكه‌ش برینداربوون."    

ئه‌وه‌شیخسته‌ڕو، سه‌رجه‌م قوربانیه‌كان ره‌وانه‌ی نه‌خۆشخانه‌ی كۆماری شاری كه‌ركوك كراون و هێزێكی زۆری ئه‌منیش له‌ناوچه‌كه‌ بڵاوه‌ی پێكراوه‌ به‌مه‌به‌ستی به‌دواداچون بۆ ئه‌و كه‌سانه‌ی بۆمبه‌كه‌یان داناوه‌.