وەزارەتی پەروەردەی حکومەتی هەرێمی کوردستان
داوادەکات بەڕێوەبەرایەتیی گشتیی پەروەردەکان و بەڕێوەبەرایەتیی پەروەردەی
قەزاکان، فەرمانی دەستبەکاربوون بۆ مامۆستایانی گرێبەست دەربکەن.
وەزارەتی پەروەردە لەنوسراوێکدا کە ئاڕاستەی سەرجەم
پەروەردەکان کراوە، داوادەکات فەرمانی کارگێڕیی لە پەروەردەی پارێزگا و قەزاکان بۆ
دامەزراندنی مامۆستایانی گرێبەست دەربچێت.
لەنوسراوەکەدا ئەوەشهاتووە، وێڕای گرتنەبەری رێکارە
کارگێرییەکان، پێویستە مامۆستای دامەزراو بەڵێننامە پڕبکاتەوە، لەهیچ
دامودەزگایەکی حکومیی مووچە وەرناگرێت و نووسراوی بۆ بکرێت بۆ بایۆمەتریی و پەلە بکرێت
لە پرۆسەی بە گرێبەستکردنیان لە پەروەردەکان و 1ـی ئەیلوولی 2024 وەک رۆژی دەستبەکاربوونیان دیاریبکرێت.
لەکۆتایی مانگی رابردوو، بڕیاردرا بە دامەزراندنی
مامۆستایانی وانەبێژ بەشێوەی گرێبەست، بەگوێرەی ناوەڕۆکی بڕیارەکە مووچەکانیان لە
داهاتی ناوخۆ دابیندەکرێت.
Copyright © 2020 Kirkuk Tv All Rights Reserved Designed And Developed By AVESTA GROUP