كۆمیسۆن : زیاتر لە سێ‌ ملیۆن كاغەزی دەنگدان چاپدەكەین

محەمەد یونس ئەندامی تیمی رۆژنامەوانی كۆمیسۆنی باڵای سەربەخۆی هەڵبژاردنەكانی عیراق ڕاگەیاند: بۆ هەڵبژاردنی خولی شەشەمی پەرلەمانی كوردستان كاغەزی زیاتر لە ژمارەی دەنگدەرانی خاوەن كارتی بایۆمەتری چاپـدەكرێن، بەبڕی زیاتر لە 100 هەزار كۆپی، ئەوەش لەبەر ئەگەری بێكەڵـكبوونی هەندێك لەو كاغەزانە.

ئاماژەی بەوەشكرد: دوو ملیۆن و 899 هەزار و 578 كارتی بایۆمەتریی دەنگدان چاپكراون، بەوپێیە ژمارەی ئەو كاغەزی دەنگدانانەی چاپ دەكرێن زیاتر لە سێ ملیۆن كاغەز دەبێت.

وتیشی: لەدوای كۆتاییهاتنی هەڵبژاردن ،تەواوی كاغەزەكانی دەنگدان بێكەڵك دەكرێن و لەناو دەبرێن كە لە كۆكاگانی كۆمیسۆن لە پارێزگاكان كۆگاكرابن، یان لە ناوەندی سەرەكی كۆمیسۆن لە بەغدا.

بڕیارە ڕۆژی 20ی تشرینی یەكەم هەڵبژاردنی خولی شەشەمی پەرلەمانی كوردستان لەهەرێمی كوردستان ئەنجام بدرێت، بانگەشەی هەڵبژاردن تـــا ناوەڕاستی هەمان مانگ بەردەوام دەبێت، كۆمسیۆنی باڵای سەربەخۆی هەڵبژاردنەكانی عیراق سەرپەرشتی پرۆسەكە دەكات و بۆ یەكەمـجار هەرێمی كوردستان بەسەر چوار بازنەی هەڵبژاردن دابەشكراوەو كورسییەكانی پەرلەمانیش بۆ 100 كورسی كەمكراوەتەوە.