بڕیارە سبەینێ ئه‌نجومه‌نی نوێنه‌رانی عێراق كۆببێتەوە و تێیدا تاوتوێی پێنج پرس دەکرێت یەكێك لەوانەش هەموواری یاسای باری كەسییە.
راگەیاندنی پەرلەمانی عێراق لەبارەی دانیشتنەکەی سبەینێی پەرلەمان و ناوەرۆكی كۆبوونەوەكە ڕاگەیەندراوێكی بڵاوكردەوە و تێیدا هاتووە، لەدانیشتنەکەدا تاوتوێی پێنج پرس دەکرێت، کە بریتییە لە یاسای پێشنیازکراوی باری کەسێتی، و رەشنووسی یاسای گەڕاندنەوەی موڵک و ماڵ بۆ خاوەنەکانیان، و رەشنووسی هەمووارکردنەوەی دووەمی یاسای لێبووردنی گشتی .
وابریارە لە دانیشتنەكەدا خوێندنەوەی دووەم بۆ رەشنووسی هەمواری پێنجەمی یاسای فڕۆکەوانیی مەدەنی و خوێندنەوەی دووەم بۆ رەشنووسی هەمووارکردنەوەی یەکەمی یاسای شارە پیشەسازییەکان ئەنجام بدرێت.
ئاماژە بەوەشکراوە، دانیشتنەکە سەعات 1:00ـی پاشنیوەڕۆ بەڕێوە دەچێت.
Copyright © 2020 Kirkuk Tv All Rights Reserved Designed And Developed By AVESTA GROUP