شارەوانی سلێمانی هاوکاری کاسبکارانی دارەسوتاوەکە دەکات

شارەوانی سلێمانی ئامادەیی دەربڕی کە پشتیوانی کاسبکارانی زیانلێکەوتوویی ئاگرەکەی بازاڕی دارەسوتاوەکەی سلێمانی بکات.

سەرۆکایەتی شارەوانی سلێمانی ڕایگەیاند : لەگەڵ ئەوەی بەبڕیاری لەیلا عومەر سەرۆکی شارەوانی سلێمانی تیمەکانی بەشی خزمەتگوزاری لە شارەوانی سلێمانی راسپارد سەردانی ئەو دووکانانە بکەن کە بەهۆی ئاگرەکەی ئەمڕۆوە زیانیان بەرکەوتووە.

هاوکات سەرۆکایەتی شارەوانی هەموو هاوکاریی و پشتواییەک کە لە دەسەڵاتیاندا هەبێت بۆ کاسبکارانی زیانلێکەوتوانی رووداوی ئاگر کەوتنەوەکەی بازاری دارەسوتاوەکە دەربڕی وسوپاسی سەرۆکی شارەوانی ئاراستەی تیمەکانی بەرگری شارستانی، فریاکەوتن، پۆلیس، ئاسایش، تیمەکانی تەندروستی کرد.