روانگەی سووری: گرووپە چەکدارەکان لە سەرێکانی و گرێسپی بەرەو تورکیا کشانەوە

روانگەی سوریا رایدەگەیەنێت: گرووپەکانی سوپای نیشتمانیی نزیک لە تورکیا،  لە سەرێکانی و گرێسپی بەرەو خاکی تورکیا کشاونەتەوە.
روانگەکە لە سەرچاوەکانیەوە ئاشکرایکردووە :  کاروانە یەک لەدوایەکەکانی گرووپەکانی ئەحرار شەرقییە و حەمزات و سوڵتان موڕاد  و مەلیک شا لە شارۆچکەی سەرێکانی لە پارێزگای حەسەکە بەرەو شارۆچکەی گرێسپی کشاونەتەوە و لەوێشەوە بەرەو خاکی تورکیا.
ئاماژەی بەوەشکردووە، لە ناوچەکانی گرێ سپییەوە، چەکدارەکانی سوپای نیشتمانی بە خێزانەکانیانەوە بەرەو خاکی تورکیا بەڕێکەوتوون، بەبێ ئەوەی هۆکاری کشانەوەیان دیاربێت.
ئاماژەی بەوەشکردووە: بەشێک لە چەکدارەکان بەرەو ناوچەکانی ژێر دەسەڵاتی هێزەکانی سوریای دیموکرات هەسەدە بەرێکەوتوون و پاشان لەوێوە بەرەو شارو ناوچەکانی خۆیان چوون.
روانگەکە دەشڵێت: بەرێوەبەرایەتیی خۆسەر و حکومەتی دیمەشق، گەیشتوونەتە لێکتێگەیشتن بۆ بەڕێوەبردنی بەنداوی تشرین.
باسی لەوەشکردووە هەردوولا لەسەر پێشنیازێکی بەڕێوەبەرایەتیی خۆسەر رێککەوتوون، کە بەڕێوەبەرایەتییەکە سەرپەرشتی راستەوخۆی بەنداوەکە و جێبەجێکردنی کارەکانی نۆژەنکردنەوە بە هەماهەنگی لەگەڵ لایەنە نێودەوڵەتییە تایبەتمەندەکان.بکات