وەفدی دەم پارتی لەگەڵ ئەردۆغان کۆبووە و رایدەگەیەنن: كۆبوونەوەكە ئەرێنی و بەرهەمدار بوو

کۆبوونەوەی وەفدی دەمپارتی لەگەڵ ئەردۆغان کۆتاییهات و ئەندامێکی وەفدەکەش دەڵێت: کۆبوونەوەکە زۆر ئەرێنی بوو.

وەفدی دەمپارتی، لە کۆشکی سەرۆکایەتیی تورکیا، لەگەڵ ڕەجەب تەیب ئەردۆغان، سەرۆک کۆماری تورکیا کۆبووەوە و دەم پارتی لە ڕاگەیەندراوێکدا ئاشکرای کرد کۆبوونەوەکە لە کەشێکی ئەرێنی، بنیاتنەر، بەرهەمدار و ئومێدبەخش بۆ داهاتوو بەڕێوەچوو.
دەمپارتی وتووشیەتی وەفدەکە لە قۆناغی داهاتوودا بە ئیرادەیەکی بەهێزترەوە لە کارەکانیان بۆ جێبەجێکردنی بانگەوازی ئۆجەلان بۆ پرۆسەی ئاشتیی تورکیا بەردەوام دەبن.

ئاماژە بەوەش دەکات: بە شانازییەوە هەموو دانیشتوانی وڵاتەکەمان ئاگادار دەکەینەوە، ئەمڕۆ لە دوێنێ گەشبینیترین بۆ پرۆسەی ئاشتیی تورکیا.

دەم پارتی، باسی لەوەشکرد لە کۆبوونەوەکەدا جەخت لە گرنگی قۆناغی ئێستای پرۆسەکە کرایەوە و هەڵسەنگاندن بۆ قۆناغەکانی داهاتووی پرۆسەکەش کرا، جەختیشمان لە هێنانە کایەی قۆناغێکی نوێ کردەوە، کە سیاسەت و دیموکراسی تێدا بەهێز بێت و دوور بێت لە توندوتیژی و ململانێ.