ئەمڕۆ پێنجشەممە (٢٩/٧/٢٠٢١)، كۆبوونەوەی باڵای
یەكێتیی نیشتمانیی كوردستان و بزووتنەوەی گۆڕان لە مەكتەبی سیاسی یەكێتی لە سلێمانی
ئەنجامدرا.
تەوەری سەرەكی كۆبوونەوەكە گفتوگۆكردن بوو لەسەر
دوایین گۆڕانكاریی و پێشهاتە سیاسی و ئابوورییەكانی هەرێمی كوردستان و عیراق و چڕكردنەوەی
هەوڵەكان بەمەبەستی خزمەتكردنی زیاتری خەڵك و وەڵامدانەوەی پێداویستییەكانی هاووڵاتیان.
لە بەشێكی دیكەی كۆبوونەوەكەدا قوباد تاڵەبانی
وەك سەرۆكی نوێی هاوپەیمانی كوردستان پەسەندكراو هەردوولا جەختیان لە پشتگیریكردنی
ناوبراو و سەرخستنی هاوپەیمانیەتییەكە كردەوە.
لەو چوارچێوەیەدا بڕیاردرا بە كاراكردنی لیژنەكانی
هەڵبژاردن و تەواوكردنی ئامادەكارییەكان و چڕكردنی هەماهەنگی نێوان هەردوولا.
Copyright © 2020 Kirkuk Tv All Rights Reserved Designed And Developed By AVESTA GROUP