نرخی نه‌وت 80 دۆلاری تێپه‌ڕاند

ئه‌مڕۆ نرخی نه‌وت له‌ بازاڕە‌كانی جیهان گۆڕانكاری به‌سه‌ردا هات و هه‌ر به‌رمیلێك له‌ سه‌روو 80 دۆلاره‌وه‌ مامه‌ڵه‌ی پێوه‌ده‌كرێت، پێشبینیش دەكرێت بگاتە 90 دۆلار.


ئه‌مڕۆ سێشه‌ممه‌ 28ی ئه‌یلولی‌ 2021، نرخی به‌رمیلێك نه‌وت له‌ جۆری برێنت به‌ 80 دۆلار و 14 سه‌نت فرۆشرا، بەو پێیەش بەروارد بە دوێنێ نزیكەی دۆلارێك بەرزبووەتەوە.

هاوكات  نرخی هه‌ر به‌رمیلێك نه‌وتی خاوی ئه‌مریكی له‌ بازاڕەكانی جیهان به‌ 76 دۆلار و 09 سه‌نت مامه‌ڵه‌ی پێوه‌ده‌كرێت.

لەماوەی سێ ساڵی رابردودا بۆ یەكەم جارە نرخی نەوت 80 دۆلار تێپەڕێنێت، شارەزایان پێشبینی دەكەن نرخی بەرمیلێك نەوت بگاتە 90 دۆلار.